بەغداد … خولێكی پشكنینی بەڵگەنامەی ساختە كرایەوە

20994275_1948280762099612_9000929384516104665_n

بەڕێوەبەرایەتی گشتی نشینگەی عێراق لە بەغدای پایتەخت خولێكی پشكنینی بەڵگەنامەی ساختەی بۆ ژمارەیەك ئەفسەرو كارمەندی بنكەی نشینگەی كێلێ و سەیران بەن كردەوە، وتەبێژی نشینگەی سلێمانیش ڕایدەگەیەنێت خولەكان سەرجەم بنكە سنووریەكان دەگرێتەوە.

بە ئامادەبوونی لیوا (هیثم غراوی) بەڕێوەبەری گشتی نشینگەی عێراق لە شاری بەغداد ژمارەیەك ئەفسەرو كارمەندی هەردوو بنكەی نشینگەی كێلێ و سەیران بەن بەشداریان لە خولێكی بەڵگەنامەی ساختەدا كرد كە ماوەی چەند هەفتەیەك بەردەوام دەبێت.

دەربارەی كردنەوەی خولەكەش نەقیب ( كاردۆ عثمان هەورامی ) وتەبێژی بەڕێوەبەرایەتی نشینگەی پارێزگای سلێمانی لە لێدوانێكیدا بە ماڵپەڕی نشینگەی ڕاگەیاند; خولەكە لە شاری بەغداد كراوەتەوە كە بۆ ماوەی دوو هەفتە بەردەوام دەبێت، لە خولەكەدا ڕاهێنان بە ئەفسەرو كارمەندان دەكرێت بۆ ناسینەوەی بەڵگەنامە ساختەكراوەكانی وەك:( پاسپۆرت، كارتی نشینگە، كارتی زانیاری، كارتی نیشتمانی، ڕەگەزنامەی عێراقی … هتد).

ڕاشیگەیاند لە خولەكەدا 21 ئەفسەرو كارمەندی هەردوو بنكەی ناوبراو بەشداریان كردوە.

لە كۆتایشدا سەبارەت بە بەشداری بنكە سنووریەكانی تری سەر بە بەڕێوەبەرایەتی نشینگەی سلێمانی لەم خولانەدا ; كاردۆ عثمان هەورامی وتی: ئەم خولانە بەردەوامی دەبێت و سەرجەم بنكە سنووریەكانی سەر بە بەڕێوەبەرایەتیمان بەشداری تێدا دەكەن.

All Rights Reserved. بەڕێوەبەرایەتى نشینگەى سلێمانى.Copyright 2013.

الصعود لأعلى