خولێكی زمانی فارسی به‌ سه‌ركه‌وتوویی كۆتایی هات

21106383_1950643518530003_1492323611334492730_n

به‌ ئاماده‌بوونی عه‌میدی ماف په‌روه‌ر (صالح عثمان خضر) به‌رێوه‌به‌ری نشینگه‌ی پارێزگای سلێمانی ، له‌ مه‌ڕاسیمێكدا بروانامه‌ی به‌شداری به‌خشرایه‌ چه‌ند ئه‌فسه‌رو كارمه‌ندێكی به‌ڕێوه‌به‌رایه‌تی نشینگه‌ كه‌ به‌ شداریان له‌ خولێكی فێربوونی زمانی فارسیدا كردبوو .

سه‌باره‌ت به‌ خوله‌كه‌ش رائد (ئالان نهاد) لێپرسراوی بنكه‌ی ڕاهێنانی كۆچ له‌ لێدوانێكیدا بۆ ماڵپه‌ڕی نشینگه‌ وتی: به‌ هاوكاری ڕێكخراوی ڕێباز فاوه‌نده‌یشن خولێكی فێربوونی زمانی فارسی به‌ به‌شداری 17 ئه‌فسه‌رو كارمه‌ندی به‌ڕێوه‌به‌رایه‌تیمان كرایه‌وه‌ ،خوله‌كه‌ش ماوه‌ی یه‌ك مانگی خایه‌ند و له‌لایه‌ن مامۆستا ( دڵنیا محه‌مه‌د ڕه‌حیم ) وترایه‌وه‌، كه‌ تایبه‌ت بوو به‌ فێربوونی نوسین و قسه‌كردن به‌ زمانی فارسی.

رائد (ئالان نهاد) ئاشكرای كرد ، له‌سه‌ر فه‌رمانی عه‌میدی ماف په‌روه‌ر (صالح عثمان خضر) به‌رێوه‌به‌ری نشینگه‌ی پارێزگای سلێمانی، له‌ زوترین كاتدا خولی فێربوونی زمان بۆ سه‌رجه‌م بنكه‌ سنورییه‌كان ده‌كرێته‌وه‌ .

له‌ كۆتایشدا لێپرسراوی بنكه‌ی ڕاهێنانی كۆچ وتی: خوله‌كه‌ به‌ سه‌ركه‌وتوویی كۆتایی پێهات و له‌ لایه‌ن عه‌میدی ماف په‌روه‌ر (صالح عثمان خضر) به‌رێوه‌به‌ری نشینگه‌ی پارێزگای سلێمانیه‌وه‌ خه‌ڵاتی سوپاس و پێزانین پێشكه‌شی ڕێكخراوی ڕێباز فاوه‌نده‌یشن كرا ، بڕوانامه‌ی به‌شداریش له‌ لایه‌ن ڕێكخراوه‌كه‌ وه‌ به‌خشرایه‌ ئه‌فسه‌ران كارمه‌ندان به‌ڕێوه‌به‌رایه‌تی نشینگه‌ی سلێمانی .

All Rights Reserved. بەڕێوەبەرایەتى نشینگەى سلێمانى.Copyright 2013.

الصعود لأعلى