به‌ڕێوه‌به‌رایه‌تی نشینگه‌ی سلێمانی سوپاسی دكتۆر كه‌ریم قه‌ره‌چه‌تانی ده‌كات

27337383_2016463208614700_515698520110951792_n

 

به‌ڕێوه‌به‌رایه‌تی نشینگه‌ی پارێزگای سلێمانی له‌به‌رامبه‌ر وتنه‌وه‌ی چه‌ندین وانه‌ی تایبه‌ت به‌ هه‌ڵسوكه‌وت له‌گه‌ڵ ڕێوان بۆ ئه‌فسه‌ران و كارمه‌ندانی به‌ڕێوه‌به‌رایه‌تیمان سوپاس و پێزانینی ئاراسته‌ی مامۆستایه‌كی زانكۆی سلێمانی كرد.

به‌ ئاماده‌بوونی عه‌میدی ماف په‌روه‌ر ( صالح عثمان خضر) به‌ڕێوه‌به‌ری نشینگه‌ی پارێزگای سلێمانی و عقید ( ئاسۆ حه‌سه‌ن) لێپرسراوی به‌شی كاروباری سنووره‌كانی به‌ڕێوه‌به‌رایه‌تیمان و مقدم ( علی خانكه‌) به‌ڕێوه‌به‌ری كارگێڕی ونقیب( كاردۆ عوسمان هه‌ورامی) لێپرسراوی راگه‌یاندن و په‌یوه‌ندییه‌كان و رائد (ره‌ئوف ملك مظفر) لێپرسراوی بنكه‌ی نشینگه‌ی فرۆكه‌خانه‌ی سلێمانی، به‌ڕێوه‌به‌رایه‌تی نشینگه‌ی سلێمانی سوپاس و پێزانینی ئاراسته‌ی دكتۆر (كه‌ریم شه‌ریف قه‌ره‌چه‌تانی) مامۆستای زانكۆی سلێمانی و پسپۆی بواری ده‌رونناسی كرد، كه‌ چه‌ندین وانه‌ی تایبه‌تی به‌( هه‌ڵسوكه‌وت له‌گه‌ڵ ڕێوان) بۆ ئه‌فسه‌ران و كارمه‌ندانی به‌ڕێوه‌به‌رایه‌تیمان وتۆته‌وه‌.

له‌ میانی پێشكه‌ش كردنی خه‌ڵاتی سوپاس و پێزانینه‌كه‌، به‌ڕێوه‌به‌ری نشنیگه‌ی پارێزگای سلێمانی وانه‌كانی دكتۆر كه‌ریمی به‌رزنرخاند كه‌ خزمه‌تێكی باشی به‌ كارمه‌ندان كردووه‌ و هیوای سه‌ركه‌وتنی زیاتر و به‌رده‌وامی بۆ خواست، له‌ به‌رامبه‌ریشدا دكتۆر (كه‌ریم شه‌ریف قه‌ره‌چه‌تانی) سوپاسی كردن و به‌ڵێنیشی دا كه‌ به‌رده‌وام وانه‌ی هاوشێوه‌ بۆ ئه‌فسه‌ران و كارمه‌ندانی به‌ڕێوه‌به‌رایه‌تیمان بڵێته‌وه‌.

All Rights Reserved. بەڕێوەبەرایەتى نشینگەى سلێمانى.Copyright 2013.

الصعود لأعلى