وه‌فدێكی ڕێكخراوی بێ ناز سه‌ردانی به‌ڕێوه‌به‌رایه‌تی نشینگه‌ی پارێزگای سلێمانی كرد

46144885_2187705091490510_4284782902044000256_n

به‌ڕێوه‌به‌ری نشینگه‌ی پارێزگای سلێمانی، پێشوازی له‌ وه‌فدێكی ڕێكخراوی بێ ناز بۆ خزمه‌تكردنی كه‌س و كاری شه‌هیدان كردو به‌ڵێنی هه‌موو هاوكارییه‌كی پێدان.

عه‌میدی ماف په‌روه‌ر ( صالح عثمان خضر) به‌ڕێوه‌به‌ری نشینگه‌ی پارێزگای سلێمانی پێشوازی له‌ وه‌فدێكی ڕێكخراوی بێ ناز بۆ خزمه‌تكردنی كه‌س و كاری شه‌هیدان كرد، كه‌ پێكهاتبوون له‌ (ئامانج محه‌مه‌د) به‌ڕێوه‌به‌ری گشتی، (خوشك له‌تیف كریم) لێپرسراوی ئۆفیسی سلێمانی ، (هه‌ڵاڵه‌ عه‌لی) یاریده‌رده‌ری به‌ڕێوه‌به‌ری گشتی ڕێكخراوه‌كه‌، له‌و دیداره‌دا وه‌فدی ڕێكخراوه‌كه‌، ئاماژه‌یان به‌ هۆكاری دامه‌زراندنی ڕێكخراوه‌كه‌ كرد، كه‌ ده‌یانه‌وێت به‌هۆیه‌وه‌ خزمه‌تی كه‌سو كاری شه‌هیدان به‌ گشتی و منداڵان به‌ تایبه‌تی بكه‌ن،بۆ ئه‌وه‌ی بێ ناز نه‌بن.
هه‌ر له‌دیداره‌كه‌دا وه‌فده‌كه‌ی ڕێكخراوی بێ ناز داوایان له‌ به‌ڕێوه‌به‌ری نشینگه‌ی پارێزگای سلێمانی كرد، كه‌ هاوكارو پاڵپشتیان بێت، له‌ به‌رامبه‌ریشدا به‌ڕێوه‌به‌ری نشینگه‌ی پارێزگای سلێمانی، به‌ڵێنی پێدان كه‌ هه‌موو هاوكاریه‌كیان بكات،چونكه‌ خزمه‌تكردنی كه‌سو كاری شه‌هیدان ئه‌ركێكی پیرۆزه‌، له‌سه‌ر هه‌مووان پێویسته‌ كه‌ خزمه‌تیان بكات، به‌تایبه‌ت منداڵانی شه‌هیدان، بۆ ئه‌وه‌ی هه‌ست به‌ بێ نازی نه‌كه‌ن.

له‌ كۆتایی دیداره‌كه‌دا، به‌ڕێوه‌به‌ری گشتی ڕێكخراوه‌كه‌، ،سوپاسی به‌ڕێوه‌به‌ری نشینگه‌ی سلێمانی كرد ، له‌ به‌رامبه‌ریشدا به‌ڕێوه‌به‌ری نشینگه‌ دووباره‌ به‌خێرهاتنی كردن و هیوای سه‌ركه‌وتن و به‌رده‌وامی بۆ خواستن.

All Rights Reserved. بەڕێوەبەرایەتى نشینگەى سلێمانى.Copyright 2013.

الصعود لأعلى