به‌ڕێوه‌به‌ری نشینگه‌ی پارێزگای سلێمانی هه‌وڵی زوو كردنه‌وه‌ی به‌شی نشینگه‌ی ڕاپه‌رین ده‌دات

47176378_2198938007033885_8445610831722315776_n

به‌ڕێوه‌به‌ری نشینگه‌ی پارێزگای سلێمانی، سه‌ردانی ئیداره‌ی ڕاپه‌ڕینی كرد و له‌گه‌ڵ لایه‌نه‌ په‌یوه‌ندیداره‌كان تاوتوێی كردنه‌وه‌ی به‌شی نشینگه‌ی ڕاپه‌رینی كرد.

عه‌میدی ماف په‌روه‌ر ( صالح عثمان خضر) به‌ڕێوه‌به‌ری نشینگه‌ی پارێزگای سلێمانی، به‌مه‌به‌ستی دابین كردنی شوێن و جێگه‌ بۆ ده‌ست به‌كاربوونی به‌شی نشینگه‌ی ڕاپه‌رین،كه‌ له‌لایه‌ن وه‌زاره‌تی ناوخۆی حكومه‌تی هه‌رێمی كوردستانه‌وه‌ ڕه‌زامه‌ندی له‌سه‌ر دراوه‌، سه‌ردانی ئیداره‌ی ڕاپه‌رینی كرد ، له‌سه‌ره‌تادا چاوی كه‌وت به‌ ( هیوا قه‌ره‌نی) سه‌رپه‌رشتیاری ئیداره‌ی ڕاپه‌رین و (دلاوه‌ر قباد احمد) جێگری سه‌رپه‌رشتیاری ڕاپه‌رین،هه‌ر له‌و دیداره‌ تاوتوێی كردنه‌وه‌ی به‌شی نشینگه‌ی ڕاپه‌رین كرا، بۆ ئه‌وه‌ی له‌ داهاتوویه‌كی نزیكدا به‌ ڕووی كه‌سانی بیانی و هاوڵاتیاندا بكرێته‌وه‌.

له‌ درێژه‌ی سه‌ردانه‌كه‌یدا به‌ڕێوه‌به‌ری نشینگه‌ی پارێزگای سلێمانی به‌یاوه‌ری سه‌رپه‌رشتیاری ئیداره‌ی ڕاپه‌رین، چاوی كه‌وت به‌ هه‌ریه‌كه‌ له‌ عه‌مید( حسن سواره‌) به‌ڕێوه‌به‌ری هاتووچۆی ڕاپه‌رین و عه‌مید ( عبدالله میر احمد) به‌ڕێوه‌به‌ری به‌رگری شارستانی ڕاپه‌رین ، له‌ دیدارانه‌دا باس له‌ میكانیزمه‌كانی كردنه‌وه‌ی به‌شی نشینگه‌ی ڕاپه‌رین و هه‌ماهه‌نگی نێوان به‌ڕێوه‌به‌رایه‌تیه‌كانی ڕاپه‌رین له‌گه‌ڵ به‌شی نشینگه‌ی ڕاپه‌رین كرا.

All Rights Reserved. بەڕێوەبەرایەتى نشینگەى سلێمانى.Copyright 2013.

الصعود لأعلى