به‌شداربووانی خولی په‌یوه‌ندییه‌ گشتییه‌كان و ئه‌ته‌كێتی هه‌ڵسوكه‌وت بڕوانامه‌یان پێبه‌خشرا

1111111

ئه‌فسه‌ران و كارمه‌ندانی به‌رێوه‌به‌رایه‌تی نشینگه‌ی پارێزگای سلێمانی له‌ په‌یمانگای فڕۆكه‌وانی فڕۆكه‌خانه‌ی نێوده‌وڵه‌تی سلێمانی به‌سه‌ركه‌وتوویی خولێكیان له‌سه‌ر په‌یوه‌ندییه‌ گشتیه‌كان و ئه‌ته‌كێتی هه‌ڵسوكه‌وت كردن ته‌واو كرد و بروانامه‌ی به‌شداریشیان پێبه‌خشرا.

به‌ ئاماده‌بوونی عه‌میدی ماف په‌روه‌ر ( صالح عثمان خضر) به‌ڕێوه‌به‌ری نشینگه‌ی پارێزگای سلێمانی و (میران جمال عارف) نوێنه‌ری به‌رێوه‌به‌ری گشتی فرۆكه‌خانه‌ی نێوده‌وڵه‌تی سلێمانی و رائد (گۆران له‌تیف محمود) لێپرسراوی هۆبه‌ری رابه‌ری مه‌عنه‌وی، بڕوانامه‌ی به‌شداری به‌خشرایه‌ (40) له‌ ئه‌فسه‌ران و كارمه‌ندانی به‌ڕێوه‌به‌رایه‌تییمان كه‌ په‌یمانگای ناوبراو به‌ هاوكاری (هۆبه‌ری ڕابه‌ری مه‌عنه‌وی ) ی به‌رێوه‌به‌رایه‌تی نشینگه‌ی پارێزگای سلێمانی خولێكی له‌سه‌ر په‌یوه‌ندییه‌ گشتیه‌كان و ئه‌ته‌كێتی هه‌ڵسوكه‌وت كردن بۆ كردبوونه‌وه‌ ،خوله‌كه‌ به‌ سێ گروپ به‌رێوه‌چوو كه‌ هه‌ر گروپه‌ی ماوه‌ی سێ ڕۆژ له‌ خوله‌كه‌ به‌رده‌وام بوون ، كه‌ تایبه‌ت بوو به‌ چۆنیه‌تی هه‌ڵسوكه‌وتی گونجاو له‌ شوێنه‌ گشتیه‌كان و ئه‌و هاوڵاتیانه‌ی سه‌ردانی فه‌رمانگه‌ حكومیه‌كان ده‌كه‌ن، بۆ ئه‌وه‌ی به‌ باشترین شێوه‌ مامه‌ڵه‌كانیان ڕایی بكرێت.

به‌ڕێوه‌به‌رایه‌تی نشینگه‌ی پارێزگای سلێمانی به‌مه‌به‌ستی به‌رزكردنه‌وه‌ی توانای ئه‌فسه‌ران و كارمه‌ندانی نشینگه‌ به‌رده‌وام خولی جیا جیا له‌ بواره‌ هه‌مه‌ جۆره‌كاندا ده‌كاته‌وه‌.

111

All Rights Reserved. بەڕێوەبەرایەتى نشینگەى سلێمانى.Copyright 2013.

الصعود لأعلى