بەڕێوەبەری نشینگە پێشوازی لە وەفدێكی دەستەی مافی مرۆڤی سلێمانی كرد

IW2B1639

بەڕێوەبەری نشینگەی پارێزگای سلێمانی پێشوازی كرد لە وەفدێكی دەستەی سەربەخۆیی مافی مرۆڤی سلێمانی و باسیان لە ڕەوشی مافی مرۆڤی كەسانی بیانی و هەماهەنگی نێوان هەردوولا كرد.

عەمیدی ماف پەروەر (صالح عثمان خضر) بەڕێوەبەری نشینگەی پارێزگای سلێمانی بە ئامادەبوونی لێپرسراوی بەشی یاسا و نهێنی بەڕێوەبەرایەتیمان، پێشوازی كرد لە (صابر عبدالله كریم)بەڕێوەبەری مافی مرۆڤی سلێمانی سەر بە دەستەی مافەكانی مرۆڤ، لەو دیدارەدا باس لە ڕەوشی مافی مرۆڤ لە سنووری پارێزگای سلێمانی و پارێزگاری كردی مافی كەسانی بیانی كرا، هەروەها شرۆڤەی یاسای مافی مرۆڤ و ڕێكەوتننامە نێودەوڵەتیەكان و كارەكانی ئەو نوسینگەیە لە پاراستنی مافەكانی مرۆڤ تەوەرێكی تری دیدارەكە بوو.
هەر لەو دیدارەدا بەڕێوەبەری نشینگەی سلێمانی ئاماژەی بەكارەكانی نشینگە كرد، كە چۆن مافی كەسانی بیانی دەپارێزن، داواشی كرد كە نوسینگەی مافی مرۆڤ هاوكار و هەماهەنگی نشینگە بێت لە كردنەوەی خولی هۆشیاری مافەكانی مرۆڤ بۆ سەرجەم ئەفسەران و كارمەندانی بەڕێوەبەرایەتیمان و بنكە سنوورییەكان.

لە كۆتایشدا وەفدی میوان سوپاسی بەڕێوەبەری نشینگەی پارێزگای سلێمانی و سەرجەم ئەفسەران و كارمەندانیان كرد، كە كارەكانی كەسانی بیانی بە باشترین شێوە ڕادەپەڕێنن و مافەكانیان دەپارێزن.

IW2B1637

All Rights Reserved. بەڕێوەبەرایەتى نشینگەى سلێمانى.Copyright 2013.

الصعود لأعلى