خولێكی پشكنینی بەڵگەنامەی گەشت كردن كۆتایی هات

IW2B1790

خولێكی پشكنینی بەڵگەنامەی گەشت كردن بۆ ئەفسەرانی بەرێوەبەرایەتیمان و بنكە سنوورییەكان كۆتایی هات و بڕوانامەش بە بەشداربووان بەخشرا.

بەئامادەبوونی عەمیدی ماف پەروەر (صالح عثمان خضر) بەڕێوەبەری نشینگەی پارێزگای سلێمانی و عەمید(سامی سمین سعید) لێپرسراوی بەشی نشینگەی گەرمیان،خولێكی پشكنینی بەڵگەنامەی گەشت كردن كۆتایی هات، كە كونسوڵخانەی وڵاتی ئوسترالیا لە عمان بە هەماهەنگی (بنكەی ڕاهێنانی كۆچ)ی بەڕێوەبەرایەتیمان بۆ (18) ئەفسەری بەڕێوەبەرایەتیمان و بنكە سنوورییەكانی كردبووەوە،كە لەلایەن (تامبی شابسوغ) شارەزا لە بواری پشكنینی بەڵگەنامەكانی گەشتكردن دەوترایەوە.
خولەكە ماوەی دوو ڕۆژ خایەند و بە ئامادەبوونی عەقید (ئاسۆ حسن احمد) لێپرسراوی بەشی كاروباری سنوورەكانی بەرێوەبەرایەتیمان دەستی پێكرد، كە بەمەبەستی بەرەو پێشبردنی ئیش و كارەكان و بەرزكردنەوەی ئاستی زانیاری كرابووەوە، كە تیایدا بە وردی باس لە چۆنیەتی پشكنینی بەڵگەنامەكانی گەشت كردن كرا،كە بەهۆیەوە دەتوانرێت بەڵگەنامەی ساختە لە بەڵگەنامەی فەرمی جیا بكرێتەوە.
دوای تەواوبوونی خولەكەش، بەڕێوەبەری نشینگەی پارێزگای سلێمانی و لێپرسراوی بەشی نشینگەی گەرمیان و مامۆستای خولەكەوە بڕوانامەی بەشداریان بە سەرجەم بەشداربووان بەخشی، هەروەها لە وتەیەكیشدا بەرێوەبەری نشینگە ڕایگەیاند: بە ئامانجی برەودان بە تواناكانمان لە بواری پشكنینی بەڵگەنامەی گەشت كردندا، بەردەوام خولی هاوشێوە بۆ ئەفسەران و كارمەندان دەكەینەوە،چونكە بەڵگەنامەكانی گەشت كردن بەردەوام گۆڕانكاریان بەسەردا دێت،پێویستە لەگەڵ گۆڕانكارییەكاندا بڕۆین،بۆیە من دەستخۆشی لە كردنەوەی ئەم خولانە دەكەم و هیوای سەركەوتن و بەردەوامیتان بۆ دەخوازم.

لە كۆتایشدا بەڕێوەبەری نشینگەی پارێزگای سلێمانی،خەڵاتی ڕێزو سوپاسی بەرێوەبەرایەتیمان و دیاری تایبەتی خۆی بە مامۆستای خولەكە بەخشی و سوپاسی كرد لە سەر وتنەوەی خولەكە.

IW2B1744

All Rights Reserved. بەڕێوەبەرایەتى نشینگەى سلێمانى.Copyright 2013.

الصعود لأعلى