خولی جۆرەكانی كەسایەتی و خود ناسی كۆتایی هات

IW2B2561

ئەفسەرانی بەڕێوەبەرایەتی نشینگەی پارێزگای سلێمانی و لێپرسراوانی بنكە سنوورییەكان بەشداریان لە خولێكی جۆرەكانی كەسایەتی و خود ناسی كرد كە تایبەت بوو بە ناسینی كەسایەتیەكان و مامەڵەی گونجاو لەگەڵیاندا.

بە ئامادەبوونی عەمیدی ماف پەروەر (صالح عثمان خضر) بەڕێوەبەری نشینگەی پارێزگای سلێمانی ، بۆ جاری دووەم خولێكی جۆرەكانی كەسایەتی و خود ناسی كۆتایی هات، كە بەشی ڕێنمایی مەعنەوی بە هەماهەنگی (بنكەی ڕاهێنانی كۆچ)ی بەڕێوەبەرایەتیمان خولێكی سێ ڕۆژەی بۆ لێپرسراوی بەشەكانی بەڕێوەبەرایەتیمان وبنكە سنوورییەكان كردبوەوە، خولەكە لەلایەن مامۆستا (بورهان محمد شریف) ڕاهێنەری باوەڕپێكراو لە سەنتەری كەنەدی جیهانی وترایەوە، كە تیایدا باس لە جۆرەكانی كەسایەتی كرا،لە ڕووی هەڵسوكەوت و سۆزو جۆری بیركردنەوەیان، كە دەتوانرێت بە دیاری كردنی كەسایەتیەكە مامەڵەیەكی گونجاوی لەگەڵ بكرێت، بەشێوەیەك هاوتەریب بێت لەگەڵ كەسایەتیەكەی.

هەر لە خولەكەدا باس خود ناسی كرا، كە گرنگە مرۆڤ كەسایەتی خۆی بناسێت ، بۆ ئەوەی بتوانێت بەپێی جۆری كەسایەتی خۆی پلان و پسپۆِری هەڵبژێرێت، كە بەهۆیەوە دەتوانێت سەركەوتن بەدەست بهێنێت.

All Rights Reserved. بەڕێوەبەرایەتى نشینگەى سلێمانى.Copyright 2013.

الصعود لأعلى