بریكاری وەزیری ناوخۆ: نشینگەی سلێمانی لە هەموو ڕوویەكەوە لە لوتكەدایە

IW2B6916

لیوا (چەتۆ ساڵح) بریكاری وەزیری ناوخۆی حكومەتی هەرێمی كوردستان سەردانی بەڕێوەبەرایەتی نشینگەی سلێمانی كرد و لەلایەن عەمیدی ماف پەروەر (صالح عثمان خضر) بەڕێوەبەری نشینگەی پارێزگای سلێمانی و ئەفسەرانی بەڕێوەبەرایەتیمان پێشوازی لێكرا.

لەو سەردانە بریكاری وەزیری ناوخۆ پاش بەسەركردنەوەی چەند بەش و هۆبەیەكی بەڕێوەبەرایەتیمان، لە گەڵ بەشێك لە ئەفسەران و كارمەندان كۆبووەوە، سەرەتای كۆبوونەوەكە بە ساتێك وەستان بۆ گیانی پاكی شەهیدان دەستی پێكرد، پاشان بەڕێوەبەری نشینگەی سلێمانی بە گەرمی بەخێرهاتنی كرد و ئاماژەی بە كارو چالاكیەكانی بەڕێوەبەرایەتی نشینگەی سلێمانی و بنكە سنورییەكانی كرد و وتی:” ئەمڕۆ خۆشحاڵ بووین بەسەردانی بەڕێزتان و پیرۆزبایی دەستبەكاربوونت لێدەكەین، ئێمە لە بەڕێوەبەرایەتی نشینگەی سلێمانی هەموو هەوڵێكمان خستۆتە گەڕ، بۆ ئەوەی بەباشترین شێوە لە هەموو بارودۆخەكاندا خزمەتی كەسانی بیانی و هاوڵاتیان بكەین،بۆ ئەمەش پشتمان بە سیستەمی نوێ و كۆمەڵێك ڕێكاری ئیداری گرنگ بەستووە،بۆ ئەوەی نمونەیەكی جوان پێشكەش بكەین”.

پاشان (لیوا-چەتۆ ساڵح) بریكاری وەزیری ناوخۆ ڕایگەیاند:” ئەمڕۆ جێگای شانازیمە ، كە سەردانی بەڕێوەبەرایەتی نشینگەی سلێمانی دەكەم،بەڕاستی لە هەموو ڕوویەكەوە لە لوتكەدان، دانەبڕاون لەگەڵ سیستەمی ستانداردی جیهانی و نموونەیەكن پڕاو پڕ لە زانست و دیسپلینی سەربازی و پڕۆفیشناڵ”.

وتیشی:” لێهاتووی و سەركەوتنی ئەم بەڕێوەبەڕایەتیە بێگومان لە دڵسۆزی و لێهاتووی بەڕێز عەمید ساڵح و سەرجەم ئەفسەران و كارمەندانەوەیە، شانازیتان پێوەدەكەم و هیوای سەركەوتن وبەردەوامیتان بۆ دەخوازم”.

لە كۆتایشدا عەمیدی ماف پەروەر (صالح عثمان خضر) بەڕێوەبەری نشینگەی پارێزگای سلێمانی تابلۆیەكی هونەری پێشكەشی بریكاری وەزیری ناوخۆ كرد، هەروەها كاردۆ عوسمان هەورامی لێپرسراوی كەرتی (5)ی ڕێكخستنی نشینگەی سلێمانی بەناوی سەرجەم هەڤاڵانی كەرتەوە، دیاری تایبەتی پێبەخشی و خۆشحاڵی بەسەردانەكەیان دەربڕی.

IW2B7031

All Rights Reserved. بەڕێوەبەرایەتى نشینگەى سلێمانى.Copyright 2013.

الصعود لأعلى