ڕێنماییه‌كانی 2013 ژماره‌ (1 تا 24)

ڕێنمایى ژمارە(1)

1-    ئاماژە بە نوسراوى وەزارەتى ناوخۆ ژمارە ( 6909لە 19/2/2013  ) کەهاوپێچە ئەو بیانیەى (إقامه) ى عێراقى هەیە:-
أ-       نابێت ڕێگاى بدرێت بێتە هەرێمى کوردستان بە هیچ شێوەیەک.
ب‌-     نابێت کاربــــکات لە هەرێمى کوردســتان بە هیچ شێـــوەیەک.

2-    ئـــاماژە بەنوسراوى بەڕێوەبەرایەتى گشتى ڕەگەزنامە ژمارە (8638 لە 4/6/2013 ) کەهاوپێچە ، ئەو بیانیەى ڤیـزەى (اللاصقە / ستیکر) ى وەرگرتووە دەتوانێت بێتە هەرێمى کوردستان لە :-
أ-       فڕۆکەخــانەکــــانەوە .
ب‌-     دەروازە سنورییەکانەوە.
————————————————————————————————————————————–

ڕێنمایى ژمارە  (2)

ئاماژە بە نوسراوى وەزارەتى ناوخۆ ژمارە ( 19840لە 4/9/2013  ) کەهاوپێچە لە دواى بەروارى ئەم ڕێنماییەوە، کـــــارتى نشینگە دروست مەکەن بۆ دبلۆمات کاران و کارمەندانى کونسوڵگەریەکان و سەفارەتەکان و خێزانەکانیان، لەبەر ئەوەى فەرمانگەى پەیوەندییەکانى دەرەوە ( کارتى نشینگەى دبلۆماسى ) یان بۆ دروست ئەکات لە هەولێر .

—————————————————————————————————————————————–
ڕێنمایى ژمارە  (3)

ئەو پسوڵە گوزەرەى لە ( دەروازەى فیشخاپور) ەوە دەرەچێت و مۆرى (دخول –خروج) ى لەسەرە، بە مۆرى فەرمى حکومەتى هەرێم ئەژمار ئەکرێت بۆ (دخول- خروج) ى کەسى بیانى.

——————————————————————————————————————————————-

ڕێنمایى ژمارە  (4)

کاتێک مۆرى (غیر مصرح لە بالعمل فی العراق) لەسەر پاسپۆرت ئەدرێت لە دەروازە سنوورییەکان و فرۆکەخانە ، واتە نابێت ڕێگاى کارکردنى  پێ بدرێت و مانەوەى کارکردن وەربگرێت، تەنها بۆ گەشت وگوزار  وسەردان  کاری لەسەر ئەکرێت.

———————————————————————————————————————————————-

ڕێنمایى ژمارە  (5) 


ئاماژه‌ به‌نوسراوی وه‌زاره‌تی ناوخۆ ژماره‌ ( 19839 له‌ 4/9/2013) كه‌ هاوپێچه‌، له‌گه‌ڵ نــــوسراوماندا وێنه‌یه‌ك له‌ نــوسراوی نوسینـــگه‌ی كونسوڵگه‌ری ڕۆمانیـــا له‌ هـــه‌ولێر ،لــــه‌گه‌ڵ هاوپێچه‌كــــه‌ی ده‌نێریـــن بـــۆتان، كه‌ بریتیه‌ لــــه‌ به‌ڵــــگه‌نامـه‌ی گه‌شت كردنی نوێی ( تراڤیڵ دۆكیمینت)ی نوێی ووڵاتی ڕۆمانیا كه‌ ئێستا كاری پێده‌كرێت.

———————————————————————————————————————————————–
ڕێنمایى ژمارە  (6)  

ئاماژە بە هەردوو نوسراوى بەڕێوەبەرایەتى گشتى ڕەگەزنامە (  7331 ) لە (26/5/2013) ء(  5493  ) لە ( 10/4/2013) سەبارەت بەو هاوڵاتیە عێراقیانەى لەهەندەران پاسپۆرتەکانیان وون دەکەن ، وە بەپاسپۆرتى گوزەر (جواز مرور) لە فڕۆکەخانە و دەروازە سنورییەکانەوە دەگەڕێنەوە بۆ هەرێمى کوردستان پێویستە ئەم ڕێنماییانە جێ بە جێ بکرێن:

1-    ووتەى کەسى عێراقى وەربگیرێت لەلایەن ئەفسەرى بنکەوە ، بە زمانى (عەرەبى) بە شێوەى کڵێشەى هاوپێچ وە بەچەند نوسخەیەک ،سەبارەت بە چۆنیەتى وون بوونى پاسپۆرتە عێراقیەکەى.

2-    بەنوسراوى فەرمى ئەم خاڵانە هاوپێچ دەکرێن بۆ ئەو بەڕێوەبەرایەتى پاسپۆرتەى کە پاسپۆرتى عێراقى بۆ کەسى هەندەرانى دەرکردبوو.

أ-    وتەى کەسى عێراقى.
ب‌-    پاسپۆرتى گوزەرى (أصلی).
ج‌-    وێنەیەک لە پێناسى کەسى عێراقى.

3-    نوسراوى خاڵى دووەم وێنەى (أصلی) بە (زمە) دەدرێت بەکەسى عێراقى خاوەن پاسپۆرتى وون بوو،وە خۆى دەیبات بۆ بەڕێوەبەراتى پاسپۆرت لەماوەى (10) ڕۆژدا ، ئەگەر ناتووشى کێشەى یاسایى دەبێت.

4-    وێنەیەک لە نوسراوى خاڵى دووەم و هاوپێچەکانى دەنێردرێت بۆ بەڕێوەبەرایەتیمان بۆ بەشى یاسا.

—————————————————————————————————————————————————–

ڕێنمایى ژمارە  (7)

ئاماژە بەنوسراوى بەڕێوەبەرایەتى پۆلیسى پارێزگاى سلێمانى (جوڵانەوەء تاوان) ژمارە (17968 لە 30/7/2013)
دوابەدواى گفتووگۆى تەلەفونى نێوان بەڕێز /پارێزگارى سلێمانى و بەڕێز / بەڕێوەبەرى پۆلیسى پارێزگاى سلێمانى لەکاتى دەستگیرکردنى کەسانى بیانى (وڵاتانى باشورى ڕۆژهەڵاتى ئاسیا و ئەسیوبى) کەماوەى مانەوەیان تەواو بووە یان بە پێچەوانەى ڕێنمایەکانى نشینگە هاتوونەتە هەرێمى کوردستانەوە ڕاستەوخۆ بنێردرێن بۆ بەڕێوەبەرایەتى نشینگەى سلێمانى بۆ ئەنجامدانى ڕێکارى یاسایى بۆیان.

—————————————————————————————————————————————————————
ڕێنمایى ژمارە  (8)

نوسراومان ژمارە (14532لە 26/6/2013)
ئاگادارتان دەکەین بۆ مامەڵەکردن لەگەڵ تراڤڵ دۆکیومێنت (هاوڵاتیانى عێراقى کە لە هەندەرانن  و نشینگە ” إقامە” ى ئەوروپایان هەیە) ئەم (سێ) ڕێگەیەى خوارەوە پەیڕەو دەکرێت تەنها لە بنکەى فرۆکەخانەکان:-

1-    ئەگەر گەشتیارى هەڵگرى تراڤڵ داواى کرد مۆرى بۆ نەکرێت پێویستە پاسپۆرتەکەى لێ وەربگیرێت، وێنەیەکى بدرێتێ و ئاگادار بکرێتەوە کە سەردانى بەڕێوەبەرى نشینگە بکات، بەمەبەستى دەرکردنى پاسپۆرتى عێراقى بۆى.

2-    ئەگەر گەشتیار ڕەزامەند نەبوو بە هێشتنەوەى تراڤڵ دۆکیومێنتەکەى ، ئەوا پێویستە مۆرى بۆ بخرێتە سەر تراڤڵەکەى.

3-    ئەگەر گەشتیار ڕەزامەند نەبوو بە هیچ یەکێک لە بڕگەکانى(1،2) ئەوا دەتوانێت بە هەمان فڕۆکە بگەڕێتەوە بۆ ئەو ووڵاتەى کە لێوەى هاتووە.

———————————————————————————————————————————————————

ڕێنمایى ژمارە  (9)

1-    ڕێنمایی به‌خشینی مانه‌وه‌ی (6) مانگ و دواتر (1) ساڵ، به‌ زنجیره‌ ته‌نها بۆ (ئێرانی) په‌یڕه‌و بكرێت بۆ ڕه‌گه‌زنامه‌كانی تر له‌سه‌رداوای خۆیان.
2-    گه‌ر بیانیه‌ك ( هه‌ر ڕه‌گه‌زێك) بوو، هه‌ریه‌ك له‌ (ئاسایش یان پشكنینی خوێن) ی به‌سه‌رچوو بوو پێویسته‌ سه‌ر له‌نوێ‌ بۆی ئه‌نجام بدرێته‌وه‌.
3-    بۆ مانه‌وه‌ی (زواج)  یه‌كجار دۆسیه‌كه‌ ڕه‌زامه‌ندی ئاسایش ‌و پشكنینی خوێنی تێدا بوو، بۆیان دووباره‌ مه‌كه‌نه‌وه‌   واته‌ نوێ‌ كردنه‌وه‌ی ڕه‌زامه‌ندی (ئاسایش ‌وپشكنینی خوێن) ی پێویست نیه‌.

———————————————————————————————————————————————————

ڕێنمایى ژمارە  (10)

1-    کاتێک دەچنە شوێنى حەوانەوە  یان کارکردنى بیانیەکان پاسپۆرت یان هەر دۆکیومێنتێک وەرئەگرن لەبیانیەکان پێویستە پسوڵەى وەرگرتنیان بۆ بکەن کەبە سێ زمان چاپ کراوە بۆتان.

2-    پێویستە لەبەشى بەدواداچوون کارمەندێک لێپرسراویەتى ئەو پاسپۆرتء دۆکیومێنتانە وەربگرێت کە ڕۆژانە (مەفرەزەکان)ى دەرچوون وەریدەگرن لە بیانیەکانء بانگهێشتى سەردانى بەڕێوەبەرایەتیمانیان دەکەن.

3-    پێویستە بەشەکانى بەدواداچوون ڕاپۆرتیان ئامادەکردبێت بۆ لێپرسراوى بەدواداچوون کاتێک بیانیەکە (موعد) ى سەردانى هاتبێت.

————————————————————————————————————————————————————

ڕێنمایى ژمارە  (11)

ئاماژە بەنوسراوى (سەرۆکایەتى دادگاى تاوانەکانى سلێمانى/1 ) ژمارە 387 لە 3/9/2013 کە هاوپێچە، ئەم ڕێنماییەمان دەرکرد:-
1-    ئەو بیانیانەى کە دۆسیەیان لە دادگاى لێکۆڵینەوە هەیەو بە (کفالەت) یان (بارمتەى دارایى) ئازاد دەکرێن و دواتر سەردانى بەڕێوەبەرایەتیمان دەکــەن و داواى (تڕشیرە سفر) یان (کارتى گەڕانەوە) دەکەن بۆ ووڵاتى خۆیان ، کاریان بۆ مەکەن تاک و دۆسیەکانیان لەدادگا یەکلادەبێتەوە،ئەگەر نا دادگا ناچار دەبێت دۆسیەکانیان بە (غیابى) ببینێت وە ئەمەش ئەبێتە هۆى ئەوەى دۆسیەکان لە دادگا یەک لا نەبێتەوە.

2-     ئەگەر زۆر ناچار بوون ، لە ڕێى بەشى یاساوە نوسراو بکەن بۆ ئەو بنکەى ( پۆلیس) یان (ئاسایش ) ەى کە دۆسیەکەى  لێیەو لە ڕایان بپرسنەوە ئەگەر کێشەیان نەبوو بەوەڵامى فەرمى کارى گەڕانەوەیان بۆ بکەن.

—————————————————————————————————————————————————————

ڕێنمایى ژمارە  (12)

ئاماژە بەنوسراوى بەڕێوەبەرایەتى گشتى ڕەگەزنامە ژمارە (5996 لە 21/4/2013 ) و نوسراوى دەزگاى ئاسایشى هەرێمى کوردستان ژمارە (أ/ 874/7079 لە 4/6/2013 ) کەهاوپێچە ، ئەم ڕێنماییەمان دەرکرد سەبارەت بەو بیانیانەى کەبەنایاسایى (قاچاغ) سنور دەبەزێنن و دێنە هەرێمى کوردستان.

1-    پێویستە دەستگیر بکرێن و (ID ) یان بدرێتێ.

2-    ئەوکەسەى کەهێناویەتى دەستگیر بکرێت و سکاڵاى لەسەر بکرێت.

3-    ئەوکەسەى کە هێناویەتى بلیتى فرۆکەى بۆ ببڕێت و خەرجى بگرێتە ئەستۆ بەمەبەستى سنورداش کردنەوەى.

4-    ئەگەر کەس خاڵى (3) دەستنەکەوت ، ئەوکەسەى کە بەکارى دەهێنێت خەرجى سنورداشکردنەوەى بگرێتە ئەستۆ.

5-    بە مڕمور بنێردرێتەوە بۆ فڕۆکەخانە یان  سەر سنور.

6-    ناوى بخرێتە (بلاک لیست) ەوە.
—————————————————————————————————————————————————-

ڕێنمایى ژمارە  (13)

ئاماژە بەهەردوو نوسراوى وەزارەتى ناوخۆ/ بەڕێوەبەرایەتى ڤیزا/ ژمارە (8157 لە 21/4/2013 وە وەزارەتى سامانە سروشتیەکان / بەڕێوەبەرایەتى ژمیریارى / ژمارە (4492 لە 14/4/2013 کە هاوپێچە ، ئەم ڕێنمایەمان دەرکرد.

سەبارەت بە بەخشینى (إقامە، تأشیرە سفر، خبر وصول) بە کارمەندانى بیانى کۆمپانیانەوتیەکان داواى پشتگیرى (باج) مەکەن، لەبەر ئەوەى بەخشراون لەهەموو جۆرە باجێک بەپێ ى یاساى نەوتءگازى هەرێم.

——————————————————————————————————————————————————-
ڕێنمایى ژمارە  (14)

ئاماژە بە نوسراوى بەڕێوەبەرایەتى خۆپاراستنى تەندروستى / هۆبەى ئایدز ژمارە (3418 لە 25/6/2013 ) کە هاوپێچە ئەم ڕێنمایەمان دەرکرد:-
سەبارەت بە پشکنینى پزیشکى بۆ ئەو بیانیانەى لە ( خاچى سورى نێودەوڵەتى کار ئەکەن) ، بەپێ ى ڕێنمایەکانى وەزارەتى تەندروستى عێراقى فیدراڵ بەخشراون لە پشکنینى خوێن، لەکاتى داواکردنى (إقامە، تأشیرة سفر، خبر وصول) .

———————————————————————————————————————————————————–

ڕێنمایى ژمارە  (15)

سه‌باره‌ت به‌و كه‌سانه‌ی هه‌ڵگری به‌ڵگه‌نامه‌ی گوزه‌ری بیانین ‌و به‌ڵگه‌نامه‌ بیانیه‌كه‌ی ده‌ستكاری كردووه‌ نه‌ك (عێراقی ) ، بۆ كه‌مكردنه‌وه‌ی زیندانی بیانی‌و زوو چاره‌سه‌ركردنی كێشه‌ كانیان، به‌پێ‌ ی ئه‌و خولانه‌ی بینومانه‌ له‌ده‌ره‌وه‌ی ووڵات ، ئه‌م ڕێنماییه‌ جێ‌ به‌ جێ‌ بكه‌ن.
1-    ده‌ستكاریه‌كه‌ له‌لایه‌ن ئه‌فسه‌ری تایبه‌ت مه‌نده‌وه‌ دیاری بكرێت‌و وه‌كو (ئه‌رشیف) به‌كار بهێنرێت بۆ خوله‌كانی داهاتوو له‌بواری پشكنینی پاسپۆرت دا.
2-    ID بدرێتێ‌ له‌نشینگه‌و سكانی ئه‌وراقی بكرێت.
3-    به‌ڕێوه‌به‌ر دۆسیه‌كه‌ ببینێت بۆ بڕیاردان له‌سه‌ری.
4-    تكتی فڕۆكه‌ ببڕێت بۆ گه‌ڕانه‌وه‌ بۆ ووڵاتی خۆی.
5-    (تأشیره‌ سفر) + مۆری (أبعاد ) بخرێته‌ سه‌ر پاسپۆرته‌كه‌.
6-    پاسپۆرتی كه‌سی بیانی بخرێته‌ (بلاك لیست) ه‌وه‌ تاك‌و كه‌سی تر به‌كاری نه‌هێنێت.
7-    به‌(مأمور) نوێنه‌ر بنێردرێت بۆ (فڕۆكه‌خانه‌/ سنور) یاخود به‌ (كفیل / ظامن) تاك‌و گه‌شته‌كه‌ی ئه‌نجام بدات.

———————————————————————————————————————————————————–

ڕێنمایى ژمارە  (16)

هاوپێچ له‌گه‌ڵ نوسراوماندا وێنه‌یه‌ك له‌ ( ڕێنمایی پاسپۆرتی ئه‌وروپی وون بوو) ده‌نێرین بۆتان.

———————————————————————————————————————————————————–

ڕێنمایى ژمارە  (17)

ئاماژە بە هەردوو نوسراوى بەڕێوەبەرایەتى گشتى ڕەگەزنامەى هەرێمى کوردستان ژمارە (11291 لە 20/12/2010 وە 12527 لە 4/12/2011) کە هاوپێچە وە ئاماژە بە فەرمانى تەلەفونى بەڕێز بەڕێوەبەرى گشتى ڕەگەزنامە.
هەر هاوڵاتیەکى هەندەرانى (عێراقى ألاصل) لەسەر خواستى خۆى داواکارى وەرگرتنى نشینگەى کرد ئەم ڕێنماییانە جێ بە جێ بکەن.

1-    خۆى ئامادەبێت.

2-    ID بدەنێ.

3-    نوسراو بۆ ئاسایش.

4-    پشکنینى خوێن لە بەڕێوەبەرایەتى.

5-    گەر ڕەگەزنامەى عێراقى (نەک تەسکەرە) یاخود پاسپۆرت عێراقى پێ بوو، دواى سکان کردنى، پێویست بە نوسراوکردن بۆ ئاسایش ناکات و کارى مانەوەى بۆ بکەن.

6-    گرێ بەستى کارکردنى ناوێت بۆ خاڵى پێنج، بەڵام ئەوانەى خاڵى سێ گرێ بەستى کارکردنى ئەوێت.

7-    دەکرێت لەڕێ ى هۆبەى (بەدواداچوون)ەوە نوسراوبکرێت بۆ بەڕێوەبەرایەتى ڕەگەزنامەى(          ) گەر کەسى هەندەرانى ڕەگەزنامەکەى لەبەردەست دانەبوو، بۆ دڵنیابوون لە عێراقى بوونى، ئەو کات، دواى وەرگرتنى وەڵامى فەرمى کە عێراقیە، وەک خاڵى پێنج هەڵسوکەوتى لەگەڵ دەکرێت.

8-    دەکرێت خاڵى (7) بۆ (بەڕێوەبەرایەتى پاسپۆرتى (                    ) بکرێت لە جیاتى (ڕەگەزنامە) کەهەمان ماناء واتا ئەبەخشێت بۆمان.

9-    ئەم ڕێنماییە هیچ کەم وکورتیەک دروست ناکات لەگەڵ ڕێنمایى (زواج) بۆ هەندەرانییەکان.

10-    لە بەر ئەوەی دواکەوتنی نیە و (ملزم) نیە بە سەردانیکردنمان بۆ (غرامە عدم المراجعە) ناکرێت.

————————————————————————————————————————————————————————–

ڕێنمایى ژمارە  (18)

ئاماژە بە نوسراوى بەڕێوەبەرایەتى گشتى ڕەگەزنامەى هەرێمى کوردستان ژمارە (10326 لە 7/7/2013) سەبارەت بە وەرگرتنى غەرامە لەبیانیەکان بەهۆى دواکەوتنیانەوە بۆ سەردانى کردنى نشینگە لەدواى (15) پانزە ڕۆژ لە داخڵ بوونیانەوە،ڕێنماییەکان بەم شێوەیە جێ بە جێ دەکرێت.

ژمارەى ڕۆژانى دواکەوتن    :-

بڕى غەرامە بەدینارى عێراقى

dwakuton

———————————————————————————————————————————————-
ڕێنمایى ژمارە  (19)
سەبارەت بە ( بوردین پاس) کەلە فرۆکەخانە بەکاردێت لەکاتى گەشت کردن دا پێویستە ئەم ڕێنماییانە جێ بە جێ بکرێت،داواکارین لەبەڕێزتان ڕەزامەندى بفەرموون بەکردنى بەڕێنمایى و گشتاندنى پێ بکەن لەگەڵ ڕێزو سوپاس دا.

1-    بوردین پاس یەکێکە لە بەڵگە نامەکان (دۆکۆمینت)ە کان ى گەشت.

2-    دەبێت هەموو گەشتیارێک لەگەڵ پاسپۆرت بۆردین پاسى هەبێت لەکاتى گەشت کردندا.

3-    لە بۆردین پاسدا دەبێت ناو کات و ڕۆژو وڵاتى گەشت بە ڕوونى نوسرابێت، هاوکات جێگەى دانیشتنى گەشتیار لەناو فرۆکەکەدا دیارى کراوە.

4-    ڕێکخستى بۆردین پاس لەئەستۆى هێڵە ئاسمانیەکانى گەشت دایە.

5-    دەبێت لەلایەن بەشى نشینگەوە چێکى پاسپۆرت و بوردین بە وردى بکرێت لەڕووى ناو گەشت بەتایبەت.

6-    هۆکارێکە بۆ ئاشکراکردنى ساختەکارى و دەرخستنى ڕاستىءدروستى پاکى گەشتیار بە بەراود کردنى لەگەڵ تکتى گەشتءپاسپۆرت.

7-    گەشتیار دەتوانێت بە سوود وەرگرتن لە بۆردین ساختەکارى بکات بەتایبەت لە گۆڕینى ئەو وڵاتەى گەشتى بۆ دەکات بۆ نموونە لەکاتى بونى دوو گەشت لە هەمان کاتدا وەک تورکیاو ئەڵمانیا،گەشتیار دەتوانێت ڕێڕەوى گەشتەکەى لەتورکیا بگۆڕێت بۆ ئەڵمانیا.

8-    لەکاتى بوونى هەڵە یان کەم وکورتى دەبێت گەشتیار بگەڕێنرێتەوە بۆ هێڵى ئاسمانى تا پیاچونەوە بکات بەکەم وکورتى وهەڵەدا.

9-    لەکاتێکدا ئەگەر گەشتیار دوو گەشتى بەدواى یەکدا هەبوو دەبێت دوو بۆردینى پێبێت، وەک ئەوەى کەسێک لە سلێمانى گەشت بکات بۆ تورکیا دواتر بۆ ئەڵمانیا.

————————————————————————————————————————————————-
ڕێنمایى ژمارە  (20)

ئاماژە بە نوسراوى پارێزگاى سلێمانى / بەڕێوەبەرایەتى خۆیەتى ژمارە (17982) لەبەروارى (9/7/2013) وە نوسراوى وەزارەتى ناوخۆ/ بەڕێوەبەرایەتى کاروبارى نهێنى و پەیوەندیە تایبەتەکان ژمارە (13665) لەبەروارى (19/6/2013) لەکاتى جێ بە جێ کردنى ئەو یاداشتى دەستگیرکردننانەى لە حکومەتى فیدراڵەوە ڕەوانە کراوە، بۆ ئەو عێراقى و بیانیانەى:-

1-  لەلایەن دەزگاى ئاسایشى هەرێمەوە دەستگیر دەکرێن و ڕەوانەى بەڕێوەبەرایەتیمانى دەکەن، پێویستە ئێمەش ڕادەستى (پۆلیسى پاڕێزگاى سلێمانى) بکەین بە پشت بەستن بە خاڵى (3) ى نوسراوى ئاماژە پێکراو، کەهاوپێچە.

2-  سەبارەت بە (لیستى قەدەغە + دەستگیرکردن) پێویستە کاتێک جێ بەجێ بکرێت کەزانیارى تەواو وەک (ناوى تەواو+تەمەن+ناوى دایک+ژمارەى پاسپۆرت +فەرمانى دادگا )لەگەڵ دابێت، ئەگەر ئەم زانیاریانە ناتەواو بێت ئەوا لاى خۆتانەوە فەرامۆشى بکەن و ئاراستەى ئێمەى مەکەن چونکە ئێمە کارى لەسەر ناکەین، بە پشت بەستن بە بڕگەى (4) ى ئەم فەرمانە وەزاریە کە هاوپێچە.

3-   فەرمانى سەرەوەى وەزارەتى ناوخۆ ، دوا ڕێنماى وەزارەتى ناوخۆیە،بەدەرلەوە پێچەوانەى  ڕێنمایى وەزارەتەو کارى لەسەر مەکەن.

——————————————————————————————————————————————————————

 ڕێنمایى ژمارە  (21)

ئه‌گه‌ر كه‌سێكی بیانی (أقامه‌) ی  وه‌رگرتبوو له‌سه‌ر شوێنێك وه‌به‌بێ‌ پرسی خاوه‌ن كار سه‌فه‌ری كردبوو هه‌رێمی كوردستانی به‌جێ‌ هێشتبوو
كارتی ( أقامه‌) كه‌شی بردبوو له‌گه‌ڵ خۆی دا، بۆ ئه‌م مه‌به‌سته‌ ئه‌م ڕێنمایانه‌مان ده‌ركرد:-
1- ئه‌گه‌ر هات‌وكارتی مانه‌وه‌كه‌ی به‌سه‌رچووبوو (EXP ) بوو بوو:-
أ‌- خاوه‌ن كار داوایه‌ك پێشكه‌شی هۆبه‌ی به‌دواداچوون ئه‌كات‌و ڕوونكردنه‌وه‌ ده‌دات له‌سه‌ر بابه‌ته‌كه‌.
ب‌-به‌شی به‌دواداچوون ئیمیڵ ئه‌كات بۆ بنكه‌كان و پرسیار ده‌كات ئایا كه‌سی بیانی هاتۆته‌وه‌ ناو هه‌رێم یاخود له‌ده‌ره‌وه‌ی هه‌رێمه‌‌و زانیاریه‌كان تۆمارده‌كات.
ج‌- به‌شی به‌دواداچوون نوسراوی بۆ ده‌كات بۆ (ضمان) گه‌ر (ضمان) ی دانابوو خاوه‌ن كار، بۆ وه‌رگرتنه‌وه‌ی پاره‌كه‌ی .
‌و – لێپرسراوی به‌شی به‌دواداچوون یه‌ك لای ئه‌كاته‌وه‌، ئایا خاڵی (ج) جێ به‌جێ‌ بكرێت یاخود نا.
ه- (لێپرسراوی به‌شی به‌دواداچوون) بڕیار ئه‌دات له‌كه‌فاله‌تی ده‌رچێت یاخود نا.
2- ئه‌گه‌ر هات‌و كارتی مانه‌وه‌ی بیانی به‌سه‌رنه‌چووبوو  (EXP ) نه‌بووبوو:-
أ‌- پێویسته‌ خاوه‌ن كار داوای كارتی مانه‌وه‌ بكات له‌بیانیه‌كه‌و به‌ پۆست بۆی بنێرێته‌وه‌،تاك‌ونوسراوی بۆ بكرێت بۆ (ضمان).
ب‌- هۆبه‌ی به‌دواداچوون كۆدی كه‌سی بیانی بلۆك ده‌كات.

——————————————————————————————————————————————————————

 ڕێنمایى ژمارە  (22)

ئاماژه‌ به‌نوسراوی به‌ڕێوه‌به‌رایه‌تی گشتی ڕه‌گه‌زنامه‌ی هه‌رێم ژماره‌ (2720له‌ 6/3/2012 ) كـــه‌ هاوپێچه‌، سه‌باره‌ت به‌ تراڤڵ دۆكــــیۆمێنتی ئه‌و عێراقیانه‌ی
له‌ هه‌نده‌ران ده‌ژین ‌و له‌فرۆكه‌خانه‌و ده‌روازه‌ سنوریه‌كانه‌وه‌ ده‌گه‌ڕێنه‌وه‌ ومه‌به‌ستیانه‌ مۆری (دخولی) نه‌خرێته‌ سه‌ر لــــه‌به‌ر ئه‌وه‌ی كێشه‌ی بۆ دروســـت ده‌كات،
وه‌ ئاماژه‌ به‌ سپارده‌ی به‌ڕێز وه‌زیری ناوخۆ، ئه‌م ڕێنماییه‌مان ده‌ركرد:-
1-    له‌فڕۆكه‌خانه‌و ده‌روازه‌ سنوریه‌كان (تراڤڵ)  دۆكیۆمێنته‌كانیان وه‌رده‌گیریت‌و مۆرنـــاكرێت ‌و كــۆپیه‌كیان ده‌ده‌نێ‌ كـــه‌ مۆری (دخولی) كــراوه‌ ته‌سه‌ر‌وه‌
ڕێنمایی ده‌كرێن كه‌ سه‌ردانمان بكه‌ن.
2-    هۆبه‌ی به‌دواداچوون نوسراو ده‌كات بۆ به‌ڕێوه‌به‌رایه‌تی پاسپۆرتی ئه‌و شاره‌ی كه‌ ناوبراو لێ‌ ی نیشته‌جێ‌ یه‌ به‌ مه‌به‌ستی ده‌رهێنانی پاسپۆرتی عێـراقی.
3-    دوای ئه‌وه‌ی بووه‌ خاوه‌ن پاسپۆرتی عێراقی ، سه‌ردانی فرۆكه‌خانه‌ یاخــــود بنكه‌ ســنوریه‌كه‌ ده‌كـــاته‌وه‌‌وپاســـپۆرتی عێراقــــیه‌كه‌ی پیشان ده‌دات.
4-    فڕۆكه‌خانه‌ یان بنكه‌ی سنوری سكانی پاسپۆرته‌ عێراقیه‌كه‌ ده‌كات، كۆپی (تراڤڵ) ه‌كه‌ كه‌ یه‌كه‌م جار مۆری دخولی بۆ كردووه‌ لێی وه‌رده‌گرێته‌وه‌،دواتر
تراڤڵ دۆكیومێنته‌كه‌ی ده‌داته‌وه‌ دوای سكان كردنی ئه‌ویش.
5-    له‌دوای ئه‌م كاره‌وه‌ پێویسته‌ كه‌سی هه‌نده‌رانی هه‌موو جارێ‌ له‌هاتن‌و چوونی دا،پاســــــپۆرتی عێراقی‌و (تراڤڵ)ه‌كه‌ی پێكه‌وه‌ پیشان بــــدات‌و مۆری
(هاتن) بخرێته‌ سه‌ر پاسپۆرتی عێراقی.
6-    به‌ڵام ئه‌گه‌ر گه‌شتیار لـــــه‌ بنه‌ڕه‌تــــدا ڕه‌زامه‌ند نه‌بوو به‌ هێشتنه‌وه‌ی تراڤڵ دۆكیومێنته‌كه‌ی، ئه‌وا مۆر بـــخرێته‌ سه‌ر(تراڤڵ) ه‌كه‌و (داخل) بكرێت.
7-    ئه‌گه‌ر گه‌شتیار ڕه‌زامه‌ند نه‌بوو به‌ بڕگـــــــــه‌كانی (1+6) ئـــه‌وا ده‌توانیـــــَت به‌ هه‌مـــــان فـــڕۆكه‌ بگه‌ڕێته‌وه‌ بـــۆ ئه‌و ووڵاته‌ی كه‌لێوه‌ی هاتووه‌.

——————————————————————————————————————————————————————
ڕێنمایى ژمارە  (23)

ئاماژە بەنوسراوى سەرۆکایەتى ئەنجوومەنى وەزیران/ بەڕێوەبەرایەتى ژمێریارى ژمارە (7214لە 3/7/2012 ) وەنوسراوى وەزارەتى تەندروستى ژمێریارى ژمارە (11023لە 11/7/2012) کەهاوپێچە،وەنوسراومان پەنابەرى ژمارە (2803 لە 2/4/2012) هەموو ئەوکوردانەى (ڕۆژهەڵات،ڕۆژئاوا،باکور) داواى مافى پەنابەریان کردووە،بەخشراون لەپارەى پشکنینى خوێن .

—————————————————————————————————————————————————————-

ڕێنمایى ژمارە  (24)

له‌مه‌ودوا سه‌رنج بخرێته‌ ســــه‌ر تڕاڤڵ دۆكیومێنتی ئه‌ڵمــــانی بـــه‌رگ شین (blue covered Germanic travel document ) له‌كاتی گه‌شــت كردنی گه‌شتیاران به‌راورد بكرێت له‌نێوان ڕَۆژی داغڵ بوون ‌و ده‌رچوون ، كه‌نابێت له‌ڕۆژی داغـــڵ بوونی یه‌وه‌ تا ئه‌و ڕۆژه‌ی ده‌رده‌چێت (6) مانــــــگ تێپه‌ڕ بكات چونكه‌ ئه‌گه‌ر له‌ ڕۆژی داغڵ بوونی یه‌وه‌ تا ڕۆژی گه‌شت كردنی (6) مانــــگ تێپه‌ڕ بكات ئه‌وا حكــــومه‌تی ئه‌ڵمانیا وه‌ری ناگرێته‌وه‌‌و به‌ناچاری (Inad ) ی ئه‌كاته‌وه‌بۆ ئه‌و شوێنه‌ی لێوه‌ی هاتووه‌، بۆ ڕونكردنه‌وه‌ی زیاتر ئه‌توانن زانیاری زیـــــــاتر له‌ هــــــاوپێچی ئه‌م نوســــراوه‌ وه‌ربگــــــــرن كـــه‌ ئه‌م گه‌شتــــیارانه‌ له‌ به‌رواری (6/12/2013) كه‌ ده‌كاته‌ ڕۆژی هه‌ینی ، گه‌شتیان كــــرد بۆ (دۆسلدۆف) به‌ڵام له‌لایــــه‌ن پاسپۆرت كــــــــــۆنترۆڵی دۆسلدۆف
(Inad) كراونه‌تــــه‌وه‌  له‌سه‌ر ئه‌و كێشه‌یه‌ی له‌ سه‌ره‌وه‌ ئاماژه‌ی پێ‌ كراوه‌.

All Rights Reserved. بەڕێوەبەرایەتى نشینگەى سلێمانى.Copyright 2013.

الصعود لأعلى